Gaur, Bizkaiko Aldizkari Ofizialak Bilboko Udalak, Batzorde Kudeatzaileak eta Madariaga Etorbideko 81-83ko jabeen Elkarteak, Plan Bereziaren AD-1 Lursailaren antolamendu eta eraikigarritasunari buruz sinatuko duten Hirigintza Hitzarmenaren hasierako onarpena argitaratu du.  Funtsean, Hitzarmenak Lursail horrek lehen, bere osotasunean zuzkidura ostatuetara zeukan adskripzioa aldatzen du, orain, aipatutako horren ia erdia alde horretarako interesgarriak diren ekipamendu erabiletarako gordez.  Era berean, Madariaga Etorbideko 77-79 eta 81-83ko etxebizitza eraikinen aurrean dauden lurraldeen gehienezko eraikigarritasuna gutxiagotzea erabaki da.  Hitzarmen hau jendaurrean egongo da gaurtik hasita eta 20 lanegunez.

Atzo arratsaldean, Iñaki Azkuna, Bilboko alkatea eta beste kargu batzuren artean, Zorrotzaurreko Batzorde Kudeatzaileko lehendakaria zena, hil zen. Azkuna, lehenengo egunetik hasita, Zorrotzaurreko hirigintza berrikuntza prozesuaren ezinbesteko protagonista izan da, esfortzu politikoak, ekonomikoak eta gizartekoak sustatuz eta bilduz, Bilborako ekonomia eta gizarte garapen espazio berria izatea nahi duen auzo honen  transformazioa errealitate bihurtzeko helburuaz. Orain dela bi hilabete baino ez, bere azkenetariko elkarrizketa baten, Azkunak, berriz ere,  Deustuko kanala irekitzea lehentasunezkoa dela azpimarratu  zuen, hiriburu bizkaitarrarentzat lan estrategikoa baita. Goian bego. Argazkia:  DEIA