Irailaren 13ko Bizkaiko Aldizkari Ofizialak, Bilbao Ekintza E.P.E.-k, Zorrotzaurreko dinamizazio ekonomikoko proiektuetarako prestatu duen laguntzen egitarauaren deialdia argitaratu du. Zehazki, bi jarduera motetan oinarritzen dira: alde batetik enpresa ekimenak sustatu eta sendotzeko egitarauak edota ekintzak; eta bestetik, jendea erakarri eta etorkizuneko irlaren posizionamendua lortzearen aldeko ekintzak. Diru-laguntza izan dezaketen proiektuaren gastuak, honako hauek dira: erakunde onuradunari lotuta dauden langileen ordain-sariak; argi, ur, telefono, gas eta internet gastuak; diru-laguntza izan dezaketen jardueren egiteari lotuta dauden gai eta ondasun suntsikorrak; eta Bilbao Ekintzak aurretiaz onartutako beste gastu batzuk. Laguntzak, diru-laguntza izan dezaketen proiektuaren %50erainoko gastuentzako izango  dira, 30.000 euroko gehienezko mugarekin. Eskabideak…

Aste honetan, indiar eraikitzaileen ordezkaritza batek Bilbao bisitatu du, hiriburu bizkaitarrak azken urteotan burutu dituen garapen proiektuak zuzenean ikusteko. Ordezkaritza, Pune hiriko Eraikuntza Enpresa  Elkartuen Konferakuntza konpainietako 51 goi-karguk osatuta (CREDAI), Bizkaiko arkitektura estudio eta toki enpresekin bildu da,  negozio aukera berriak bilatzeko helburuaz. Astelehen goizean, Batzorde Kudeatzaileko gerentea, Pablo Otaola, eurekin bildu zen Zorrotzaurreko proiektuaren zenbait hirigintza alderdi aztertzeko. Lanaldiari amaiera emateko  Zorrotzaurreko penintsulara joan ziren  eta han, birsorkuntza planaren garapena zuzenean  egiaztatu ahal izan zuten.    

Zorrotzaurreko Hitzarmen Batzordeak, Bilboko Itsasadarraren kaiak Zorrotzaurreko 1go egite unitatearen esparruan sendotzeko proiektua idazteko laguntza teknikoa kontratatzeko lehiaketarako deialdia egin du. Sendotze proiektu honen idazketak, Bilboko Udalak egin duen azterlanaren ondorioak erreferentziatzat hartuko ditu. Aipatutako horretan, Itsasadarraren kaiek gehienez onar dezaketen hiri erabilerako gainkarga 2 tona/m2 dela ezartzen du. Era berean kontuan hartu beharko dira ere, 1go EgiteUnitatearen Urbanizazio proiektua eta Deustuko kanala irekitzeko proiektua. Lehiaketaren orriak, web gune honen“Kontratugilearen perfila” ataleanlordaitezke. Lizitazioaren oinarrizko aurrekontua 102.850 eurokoa da (BEZbarne). Eskaintzak aurkezteko epea, Zorrotzaurreko Hitzarmen Batzordearen bulegoetan aurkeztu beharko direnak, 2016ko urriaren 6an, osteguna,  14:00etan,amaituko da