Amaitu dira Ballets Olaeta kaleko urbanizazio-lanak, IMQ Zorrotzaurre klinika eta Carmelo Bernaola (Enekuri) tunelen artean. Hala, Botikazarrako bide-ordenamendu berria amaitu da. Orain, Bilbotik Enekuriko tuneletara irteera-noranzko bakarra du Morgan kaleak.

Bilboko Udalak lehiaketara atera du As Fabrik proiektuaren instalazioak jasoko dituen Beta 2 eraikinaren zaharberritze partziala. Zaharberritzearen lehen zatiaren hasierako aurrekontua 2,96 milioi eurokoa da (BEZa kanpo) eta lanen exekuzio-epea 4 hilabetekoa da.

Atzoko EHAAk Vivienda y Suelo de Euskadi S.A. (Visesa) erakundeak 153 etxebizitza libre eraikitzeko lursail bat saltzeko egingo duen lehiaketa baten iragarkia argitaratu zuen. Lursaila San Ignazio auzoan dago, eta Vive Zorrotzaurre kooperatiba eraikitzen ari den etxebizitzen alboan.