Zorrotzaurreko Urbanizazio Jarduera Programaren hasierako onarpena

Gaur, Bilbao Udaleko  Gobernu-Batzordeak, Zorrotzaurreko 1 zkiko. Jarduera Integratuaren Urbanizazio Jarduera Programaren (UJP) hasierako onarpena erabaki du. Aipatutako akordioa Bizkaiko Aldizkari Ofizialean argitaratu ondoren, 20 lanegunez jendaurrean jarriko da,  nahi duenak Planaren dokumentazioa kontsulta dezan.

UJP, Zorrotzaurre nola kudeatuko den zehazten duen agiri teknikoa da. Konkretuki, egiterapen faseak, lanaldien programazioa (lanak hasi eta amaitzeko gehienezko epeak adieraziz) eta euren kostua  definitzen  du.

UJP-rekin batera, Zorrotzaurreko Urbanizazio Aurreproiektua onartu da, Euskadiko Lurzoru eta Hirigintza legearekin bat etorriz, UJP-rekin batera joan behar baita.

Onartutako agiriak, honako hau adierazten du:

• Zorrotzaurreko 1 zkiko. Jarduera Integratua 2 Egiterapen Unitateetan banatzen da. Lehenengoak, 389.995 m² –ko azalera daukanak, Deustuko kanalaren eskuinalde osoa  eta etorkizuneko irlaren ipar eta hego muturrak hartzen ditu.  Bigarren unitatea,  167.064 m², -ko azaleraz, gaur egungo penintsularen erdian dauden lurraldeak osatuta dago. Era berean, 1 zkiko Egiterapen Unitatea, urbanizazio lanen egiterapenari begira, 4 esparrutan bananduta dago.
• San Inaziorekin lotzeko zubiko lanei dagokienez, berauek,  Birpartzelatze Proiektuaren behin-betiko onarpenetik zenbatzen hasi eta gehienez, hurrengo 24 hilabeteetan hasi behar direla ezartzen du.  
•  1 zkiko Jarduera Integratuaren guztirako hirigintza kargetarako zenbatetsitako kostua, 197b milioi eurokoa da; 138 milioi 1 zkiko Egiterapen Unitaterako eta, 59 milioi, 2 zkiko Egiterapen Unitaterako.  

Gaur, Bilbao Udaleko  Gobernu-Batzordeak, Zorrotzaurreko 1 zkiko. Jarduera Integratuaren Urbanizazio Jarduera Programaren (UJP) hasierako onarpena erabaki du. Aipatutako akordioa Bizkaiko Aldizkari Ofizialean argitaratu ondoren, 20 lanegunez jendaurrean jarriko da,  nahi duenak Planaren dokumentazioa kontsulta dezan.