Alkatetza, Kontratazio eta Giza Baliabideetako zinegotziak, Gotzone Sagarduik, aurkeztu zuen foroaren jardueren barruan egin zen Alkate eta Ministroen zazpigarren Mahai-Inguruan. Zehazki, Sagarduik “Nola lan egin dezakete gobernuek eta hiriek hirigintza-politikak elkarrekin diseinatzeko” saioan parte hartu zuen. Bertan, Zorrotzaurre irla maila anitzeko gobernamenduaren eta hirigintza inklusibo eta jasangarriaren adibide gisa aurkeztu zuen.

Mvre enpresak 154 etxebizitza askeen merkaturatzea hasi du. Etxebizitzak bi eraikin-bloketan eraikiko dira, 10 eta 12 solairu izango dituzte eta Zorrotzaurreko SI-5 lurzatian kokatuko dira. 2 eta 3 logeletako etxebizitzak izango dira, garajea eta trastelekua izango dute, eta 265.000 eta 363.000 euro arteko prezioa izango dute.

Visesak Zorrotzaurreko SI-2 lurzatian kokatutako 104 etxebizitza tasatu eraikitzeko lizitazioa iragarri du; lizitazioak, halaber, barne hartzen du beste 91 etxebizitza sozial eraikitzea 1 lurzatian, Iturribarri-II, Getxon. Zorrotzaurreko pisuak egikaritzeko epea 30 hilabetekoa da eta Getxoko eraikinena 24 hilabetekoa. Guztira, lizitazioaren oinarrizko aurrekontua 20.664.145,25 eurokoa da (BEZ kanpo).