In Focus hirien sareak Zorrotzaurre bisitatu du

Ostegunean, Deustuko Unibertsitateko (Bilbo) liburutegian egin zuten In Focus hirien Europako sarearen laneko jardunaldia.

Ostiralean, Batzorde Kudeatzaileko gerenteak, Pablo Otaolak, forora joandakoak zuzendu zituen Zorrotzaurreko penintsulara egindako bisitan. Bertan, birsorkuntza-planaren garapena egiaztatu ahal izan zuten.

In Focusek, Europako Gizarte Funtsak bultzatzen duen hirien nazioarteko sareak, espezializazio adimentsuko estrategiak garatzeko ikaskuntzako esperientzia partekatua jasotzen du. Bilboz gain, sare horretako partaideak dira honako hauek: Frankfurt (Alemania), Bukarest (Errumania), Bordele eta Grenoble (Frantzia), Turin (Italia), Oporto (Portugal), Ostrava (Txekiar Errepublika), Bielsko-Biala (Polonia) eta Plasencia (Espainia).

Lan-jardunaldi horren aurkezpena Bilboko alkateak, Juan Mari Aburtok, egin zuen eta, hainbat langunetan, sarea osatzen duten hirietarako jardunbide egokien adibide gisa udal-berrikuntzako eta -garapeneko proiektu batzuk aztertu zituzten.