Otsailaren 22an, ostiralarekin, Bilboko Itsasadarraren Itsas Musoak Zorrotzaurre, Deustuko Erribera eta Itsasadarraren ertzetako hiri-espazio maritimoa eraldatzeari buruz hausnartzeko jardunaldi zientifikoa hartuko du.

Bilboko Udalak Edificio Papelera barrutik eta kanpotik egokitu eta Kunsthal goi-mailako diseinu zentroa hartzeko lanak lizitatu ditu. Lanen lizitazioaren aurrekontua 1.432.191,56 eurokoa da (BEZ kanpo) eta lanak egiteko epea 5 hilabetekoa da. Proposamenak aurkezteko epea 2019ko martxoaren 11n amaitzen da, 13:00etan.

Otsailaren 6ko EHAA-k Ingurumen, Lurralde Plangintza eta Etxebizitzako sailburuaren agindua argitaratu du, zeinaren bidez abian jarri den Zorrotzaurreko SI-2 lurzatian kokatuko diren 140 etxebizitza tasatu adjudikatzeko prozedura. Lurzatia etorkizunean San Ignacio eta irla lotuko dituen zubitik hurbil dago.