Deustuko kanala guztiz zabaltzeko obrak aurrera doaz aurreikusitako planen arabera. Bilboko Udalak ezagutzera emandako azken datuen arabera, jadanik itsasadarrari ibilgu berrian zehar pasabidea libre uzteko aurreikusitako lurren 360.000 metro kubikoetatik laurden bat kendu da.

Gaur betetzen dira 15 urte Zorrotzaurreko Batzorde Kudeatzaileak ZahaHadid arkitekto ingeles-irakiarrari auzoaren berrantolaketa urbanistikoaren proiektuaren Master Plana egiteko ardura eman zionetik.

Aste honetan hasi dituzte San Ignazio Zorrotzaurrerekin lotuko duen zubia eraikitzeko lanak.Zorrotzaurreko bigarren zubi honen lanak Visesak finantzatuko ditu eta helburu horrekin Visesak deitutako lehiaketa irabazi zuen eta Ferrovial-Agroman SA eta Viconsa SA enpresek osatutako ABEEak egingo ditu. Aurkeztutako aurrekontua 8.337.611,20 eurokoa izan zen (BEZa kanpo) eta lizitazio-oinarriaren aurrekontua, aldiz, 10.198.702,20 eurokoa zen (BEZa kanpo).Gauzatzeko ezarritako epea 17 hilabetekoa da.